Impulsado polo gusto persoal hacia os animais de granxa, acudo frecuentemente a feiras,

exposicións, mesas redondas, conferencias e eventos relacionados con todo o mundo animal.

En tódolos lugares que visito busco información sobre cría e coidado de animais. 

Alá polo ano 2000 acudín a Silleda á Semana

Verde e caeron nas miñas mans uns folletos

sobre animais en perigo de extinción, linos e

relinos e dentro de min xurdiu a necesidade

de axudar a recuperar algúns dos animais que

alí aparecían e que eu coñecía .

            Despois de meditar sobre as posibilidades que me prestaba o meu entorno decanteime pola

ovella galega e pola galiña de Mos.

Pretendo axudar a solucionar os problemas que está sufrindo a raza ovina de ovella galega;

ademáis é un tipo de animal que se adapta ás terras familiares e veciñales que se atopaban

avandoadas e improductivas.

Sempre me gustaron os animais de pluma, aínda

coñecendo ese refrán que di: ”os animais de pico

non fan o amo rico”, xa tiña faisáns ,pavo reais e

outras aves polo que introducín unha raza máis: a

galiña de mos; con intención de colaborar nas actividades de recuperación programadas pola

administración e experimentar pola miña propia experiencia os pros e contras que ofrecía a raza.

Dende ese momento Fleire séntese partícipe dunha boa labor de recuperación de razas autóctonas

galegas en terras galegas dos Concellos de Riotorto e Cervo.